Global Chin News

Monday, Sep 22nd

Last update09:12:51 PM GMT

Hakha Ah Bus Nih Minung Pakhat A Pah, A Thi

  • PDF
alt
Hakha Dawrthar sang ah bus nih atu zanlei ah kum 58 nu a pah sual i, a thi colh. Bus a chak tlaih khawh a si lo ruangah cu thil cu a chuak.

Nihin zanlei sml. 2:00 hrawngah, Rev. Thawng Hmung bus nih Dawrthar Kaihsit sang, Kah-ngiah-nah zung hmai ah Pi Ngo Va (Ngun Vang) a pah i, mual ah a liam. Rev. Thawng Hmung a naupa Ceu Awr nih a mawngh. Bus cu a seh nung seh tiah hawi nih an nam hnu ah, a chak tlaih khawh a si lo i, cu thil cu a cang tiah The Hakha Postnih a ṭial.

 "Pi Ngo Va hi a taksa lawng si loin, a kut le a lu zong faak ngai in, ai khawng" tiah Hakha sii-bawi a chektu nih a ti.
 
"Pi Ngo Va a pah hlanah Pu Kyaw Myo saikel sernak dawr hmai i a dirmi Tuluk saikel pathum a phah hmasa i cu saikel pathum he tiah Pi Ngo Va cu pah chih a si. Pi Ngo Va hi a hmun ah a dih colh. A ruak cu Hakha siizungpi ah an kal pi i Siibwai te nih an chek dih hnu ah inn ah an tinpi colh" tiah The Hakha Post nih a ti.
 
Pi Ngo Va hi Ngaphaipi khua pawng Faartlang khuami, fa (7) ngei, a va nih a thih tak cangmi a si. A fale he Hakha ah kum 5 khuasa cangmi a si. Dillo sang ah a ummi a si. A fapale 2, US ah, a fapa pakhat le fanu pakhat Faartlang ah, a dang a fapa pakhat le fanu pakhat, Hakha ah, a fanu pakhat Malaysia ah an um.
 
Thaizing May 19 zanlei sml. 2:00 ah Ruavazung thlanmual, Hakha ah a ruak vui a si te lai tiah The Hakha Post nih a thanh.

Laica Kong

Interview Biahalnak

Minthang Thawng

Contact Us

Mailing Address
GLOBAL CHIN
MEDIA GROUP

215 Sand Beach Bvld,
Apt 107

Shreveport, LA 71105
USA

globalchinnews@gmail.com
_________________

Global Chin News is a non-profit news agency